Shqipëria e gatshme të bashkëpunojë për forcimin e sigurisë, Xhaçka takon sekretarin e Përgjithshëm të OKB-së

0
169
Reklame e sponzorizuar
Parandalimi duhet të jetë motivi i diplomacisë shumëpalëshe në çdo fushë, u shpreh ministrja e Punëve të Jashtme Olta Xhaçka, gjatë takimit me sekretarin e Përgjithshëm të OKB-së.

Në vijim të “Javës së diskutimeve të Nivelit të Lartë”, të sesionit të 76-të të Asamblesë së Përgjithshme, Ministrja për Evropën dhe Punët e Jashtme, Xhaçka, dhe delegacioni shqiptar, në përbërje të të cilit ishin Ministri i Mbrojtjes, Niko Peleshi dhe ambasadorja e Shqipërisë në OKB, Besiana Kadare u pritën nga Sekretari i Përgjithshëm i Organizatës së Kombeve të Bashkuara, Antonio Guterres.

Ministrja Xhaçka theksoi se Shqipëria beson fuqimisht në rolin e diplomacisë shumëpalëshe, teksa shprehu gatishmërinë e bashkëpunimit me Guterres për të avancuar prioritetet e përbashkëta gjatë mandatit të Shqipërisë në Këshillin e Sigurimit.

“Ne si mbështetës të fortë të një arene ndërkombëtare të bazuar në rregulla, besojmë fuqimisht në rolin e diplomacisë shumëpalëshe“, theksoi Xhaçka.

 

 

Reklame e sponzorizuar

LEAVE A REPLY

Please enter your comment!
Please enter your name here